Në ndeshjen e shtatë të fazës së ligës në Ligën e Kampionëve, Arsenali ka shënuar fitore bindëse 3-1 ndaj Interit në “Giuseppe Meazza”.

Skuadra londineze kaloi në epërsi herët, kur Gabriel realizoi golin e parë në minutën e 10-të, pas një devijimi që mposhti portierin Sommer.

Interi reagoi shpejt dhe barazoi në minutën e 18-të me Petar Suçiç, i cili goditi saktë nga jashtë zonës.

Megjithatë, Arsenali riktheu avantazhin në minutën e 31-të, kur Gabriel Jesus u tregua më i shpejtë se mbrojtja dhe shënoi me kokë për 2-1.

Në pjesën e dytë, loja ishte e baraspeshuar, momenti vendimtar ishte minuta e 84-t, kur Viktor Gyökeres realizoi një gol spektakolar nga distanca, për ta vulosur fitoren e “Topçinjve”.

Arsenali pas shtatë ndeshjeve vazhdon bilanc qind për qind me 21 pikë, kurse Interi ka rënë në pozitën e nëntë me 12 sosh.

Ndeshjen e fundit, Arsenali në shtëpi ndaj Kairat Almatyt derisa Interi udhëton tek Dortmundi./Arbresh.info